Açıq məlumatlar nədir?

Açıq məlumat hər kəs tərəfindən əlçatan olan, istifadə edilə və təkrar paylaşıla bilən məlumatdır.

Açıq məlumat portalı nəyə lazımdır?

Portal ilk növbədə ölkə daxilində açıq məlumatların vahid bir sistemdə toplanılması və müəyyən olunmuş formatlarda bazar təlabatını qarşılayaraq, makroiqtisadi inkişafa töhvə vermək məqsədi daşıyır. Müəlliflik hüququ olan, patent, strateji, dövlət təhlükəsizliyi və yenidən istifadəsi üçün məhdudiyyət qoyulan məlumatlar istisna olmaqla digər məlumatların ictimaiyyətə açıq dərc olunması məqsədə uyğun hesab olunur. Açıq məlumatlar portalı dövlətin və dövlətlə vətəndaşlar arasında olan qarşılıqlı əlaqələrin şəffaflığı məqsədilə həyata keçirilən Açıq Hökumətin tərkib hissələrindən biridir.

Hansı Məlumatlar Əlçatandır və Onları Kim Yerləşdirir?

Açıq məlumatlar dövlət orqanları tərəfindən “İnformasiya əldə etmək haqqında” və "İnformasiya, informasiyalaşdırma və informasiyanın mühafizəsi haqqında” Qanunlar əsasında yerləşdirilir. Digər informasiya sahibləri məlumatları öz şəxsi təşəbbüsləri və vətəndaşların müraciətləri əsasında yerləşdirirlər. Hökumət orqanları açıq məlumatların siyahısını təsdiqləyir və bu məlumatları həmin siyahılara görə portalda yerləşdirirlər. Maraqlandığınız məlumatlar siyahıda olmadığı halda, siz dövlət orqanına həmin məlumat üçün müraciət edə bilərsiniz.

Məlumatlar Necə İstifadə Oluna Bilər?

Məlumatları bir sahədəki dəyişiklikləri təhlil etmək və ya hökumətin fəaliyyətinin müxtəlif hissələrini müqayisə etmək üçün istifadə edə bilərsiniz. Tərtibçilər məlumatlardan istifadə etməklə hədəf kütlənin istifadə edə biləcəyi faydalı proqramlar yaza bilərlər. Bir çox imkanları təmin edən yeni API-dan da istifadə etmək olar. API-ın işi barədə daha ətraflı məlumatı “Məlumatlar” bölməsindəki “API haqqında” altbölməsində tapmaq olar.

API Vasitəsilə Hansı Məlumatlar Əlçatandır?

Portala kompüterin köməyilə və inteqrasiya yolu ilə yerləşdirilən bütün açıq verilənlər toplusu API vasitəsilə əlçatandır. API - tətbiq, kitabxana, xidmət və ya əməliyyat sistemi tərəfindən təmin olunan, xarici proqram təminatı məhsullarında istifadə üçün nəzərdə tutulan və istifadəyə hazır bir sıra növ, prosedur, funksiya, struktur və sabit kəmiyyətlərin toplusudur. Proqramçılar API-dan müxtəlif proqramların hazırlanmasında istifadə edirlər. Bu, tərtibatçılar və digər portal istifadəçiləri üçün rahat şəkildə sistemə birbaşa sorğu göndərməklə məlumatların əldə edilməsinə imkan verir. API-ın işi barədə daha ətraflı məlumatı “Məlumatlar” bölməsindəki “API haqqında” altbölməsində tapmaq olar.

Metadata Nədir?

Metadata mövcud olan əsas məlumatları təsvir edən köməkçi məlumatlardır. Müəyyən bir elementin məzmunu haqqında məlumat verir. Məsələn, şəkil şəklin nə qədər böyük olduğunu, rəng dərinliyini, təsvirin həllini, təsvirin nə vaxt əldə olunduğunu və digər məlumatları təsvir edən köməkçi məlumatlardan ibarət ola bilər. Mətn sənədinin metaməlumatında isə sənədin həcmi, müəllifi, nə vaxt yazıldığı və qısa xülasəsi haqqında məlumat ola bilər.

Meta Teqlər Nədir?

Veb səhifələrə tez-tez meta teqlər şəklində metadata daxil edilir. Təsvir və açar sözlər meta teqləri adətən veb səhifənin məzmununu təsvir etmək üçün istifadə olunur. Əksər axtarış motorları axtarış indeksinə səhifələr əlavə edərkən bu məlumatlardan istifadə edirlər. Bu, Veb səhifə haqqında məlumat saxlamaq üçün istifadə edilən, lakin Veb brauzerdə göstərilməyən xüsusi HTML teqdir. Məsələn, meta teqlər səhifənin qurulması üçün hansı proqramdan istifadə edildiyi, səhifənin təsviri və səhifəyə uyğun açar sözlər kimi məlumat verir. Bir çox axtarış motorları veb səhifələri indeksləşdirərkən meta teqlərdə saxlanılan məlumatlardan istifadə edirlər.