“BakuBus” marşrutları üzrə gündəlik sərnişin gedişlərinin sayı-2026.

Bu məlumat dəsti Bakı şəhərində fəaliyyət göstərən “BakuBus” avtobus marşrutları üzrə gündəlik sərnişin gedişlərinin sayını əks etdirir. Məlumat dəsti hər bir marşrut üzrə gündəlik gediş sayını tarix kəsimində təqdim edir. Məlumat avtobuslarda quraşdırılmış elektron ödəniş avadanlıqları vasitəsilə (“Bakı Kart” və digər təmassız ödəniş vasitələri) qeydə alınan validasiyalar əsasında formalaşdırılır.

Məlumatlar faktiki daşınmış unikal sərnişin sayı kimi qəbul edilməməli; onlar marşrut üzrə gündəlik sərnişin axınının intensivliyi göstəricisi kimi interpretasiya edilməlidir. Məlumat dəsti sərnişinlərin mənbə və təyinat dayanacaqlarını, eləcə də tam marşrut zəncirini əhatə etmir.

Məlumat dəstindəki göstəricilər avtobus marşrutları üzrə sərnişin axınının gündəlik dinamikasının və marşrutlararası fərqlərin təhlili üçün istifadə edilə bilər.

Texniki nasazlıqlar, məlumatların toplanması və emalı zamanı yaranan istisna hallar və digər məlumat keyfiyyəti amilləri məlumatların dəqiqliyinə qismən təsir göstərə bilər. Məlumatın yenilənmə tezliyi - ayda 1 dəfə. Məlumatların əhatə dairəsi - Bakı şəhəri. İştirakçılar – “K Group” MMC (“Baku Kart”).