Bakı metro stansiyalarında gündəlik turniket keçidlərinin ödəniş növləri üzrə bölgüsü.

Bu məlumat dəsti Bakı metropoliteninin stansiyalarında giriş turniketlərindən keçidlərin ödəniş növləri üzrə gündəlik bölgüsünü əks etdirir. Turniket keçidləri metro stansiyalarının giriş turniketlərində kartların, eləcə də mobil telefonlar və digər elektron qurğular vasitəsilə həyata keçirilən NFC əsaslı təmassız ödəniş vasitələrinin oxudulması əsasında qeydə alınır və müxtəlif ödəniş növləri üzrə təsnif edilir. Məlumat dəsti hər bir ödəniş növü üzrə giriş sayını stansiya və tarix kəsimində təqdim edir. Hazırda sərnişinlər çıxış turniketlərində təkrar identifikasiya edilmir. Bu səbəbdən, müvafiq məlumat dəsti yalnız giriş məlumatları üzrə formalaşdırılır və sərnişin çıxışlarını və mənbə-təyinat sxemli marşrutları əhatə etmir. Məlumat yalnız stansiya üzrə giriş intensivliyini ödəniş növləri baxımından əks etdirir və tam səfər zənciri kimi interpretasiya edilməməlidir. Eyni sərnişinin gün ərzində bir neçə dəfə giriş etməsi ayrıca keçid kimi qeydə alınır. Məlumatlar stansiya üzrə ödəniş növünə görə turniket keçidlərinin sayı kimi şərh edilməli, faktiki daşınmış unikal sərnişin sayı və ya tam səfər axını kimi qəbul edilməməlidir. Texniki nasazlıqlar və ya istisna halları məlumatların dəqiqliyinə qismən təsir göstərə bilər. Məlumatın yenilənmə tezliyi - ayda 1 dəfə. Əhatə dairəsi - Bakı şəhəri. İştirakçılar - "K Group" MMC (Bakı Kart).