İnteqrasiya olunmuş dövlət xidmətlərinin siyahısı.

Əhali istehlakçısının ad dəyişdirilməsi :

Alqı-satqı, mülkiyyət dəyişikliyi və digər əsaslarla qaz istehlakçısı məlumatlarının yeni istehlakçının adına keçirilməsi üçün elektron müraciətin təqdim edilməsini təmin edən xidmət. Xidmət çərçivəsində qaz alqı-satqısı müqaviləsi məsafədən rəqəmsal imza ilə elektron formada bağlanır.

Borcun olmaması haqqında arayışın verilməsi :

İstehlakçıların qaz təchizatı üzrə borcunun olub-olmaması barədə arayışın elektron formada əldə edilməsini təmin edən xidmət.

Texniki şərtin verilməsi :

Qazpaylayıcı şəbəkəyə qoşulma üçün tələb olunan texniki şərtin alınması məqsədilə elektron müraciətin təqdim edilməsini və nəticədə texniki şərt sənədinin elektron formada əldə edilməsini təmin edən xidmət.

Müayinə aktı :

İstehlakçıların mənzillərində qaz qurğuları, qaz xətləri, tüstü bacaları, havalandırma və havadəyişmə xətləri üzrə aparılmış müayinənin nəticəsi olaraq tərtib edilmiş müayinə aktına elektron formada baxmaq və sənədi yükləmək imkanı yaradan informativ xidmət.