Baku Bus marşrutları üzrə ödəniş növlərinin aylıq bölgüsü-2026.

Bu məlumat dəsti Baku Bus avtobus marşrutları üzrə ödəniş növlərinin aylıq bölgüsünü əks etdirir. Avtobuslarda ödənişlər NFC əsaslı təmassız ödəniş vasitələri (bank kartları, mobil telefonlar və digər elektron qurğular), QR kod və Smart kart vasitəsilə həyata keçirilir, qeydə alınır və üç ödəniş növü üzrə (NFC, QR, Smart) təsnif edilir. Məlumat dəsti hər bir ödəniş növünün marşrut üzrə ümumi ödənişlərdə payını marşrut və tarix kəsimində faizlə təqdim edir. Məlumat dəsti yalnız ödəniş növlərinin nisbi payını əks etdirir: hər bir marşrut və tarix üzrə NFC, QR və Smart paylarının cəmi 100 faizdir. Dəstdə ödənişlərin mütləq sayı, sərnişin sayı və ya mənbə-təyinat sxemli səfərlər təqdim edilmir. Məlumatlar ödəniş növlərinin marşrut üzrə istifadə intensivliyi kimi şərh edilməli, faktiki daşınmış unikal sərnişin sayı, tam sərnişin axını və ya səfər zənciri kimi qəbul edilməməlidir. Tarix sütununda hesabat ayının son günü qeyd olunsa da, müvafiq faizlər həmin ay üzrə orta göstəricini ifadə edir. Marşrutların siyahısı zamanla dəyişə bilər, yeni marşrutlar sonradan əlavə oluna bilər. Texniki nasazlıqlar və ya istisna halları məlumatların dəqiqliyinə qismən təsir göstərə bilər. Məlumatın yenilənmə tezliyi - ayda 1 dəfə. Əhatə dairəsi - Bakı şəhəri. İştirakçılar - "K Group" MMC (Bakı Kart).